| 仲記得第二個sem 差唔多每個星期五都有波踢, 都係對住同一隊呀叔~~(雖然佢地加左幾個青年軍)
每次都係「作客」, 每次都係咁輸波....真係有D 灰~~
不過我就真係幾享受個過程, 既可以睇到大家愈黎愈夾 (已經進步左好多架喇我覺得, 大家都肯交多D 波同埋少左死帶波) , 又可以每個星期見到班frd ~~難得上到大學都有時間一齊踢波見下面~~
evaluation:
我自己防守真係差左好多, 高空波都係成日漏, 又成日mark 唔實人, 同埋自己好多時防守未搞掂好就掛住上去攻= = ~~加上我將大部分既體力都留番黎攻, 好少搏盡去防守, 成日都借機hea 下~~
雖然我花左好多精力去攻, 但係我註定一世做「柱男」~~哈哈, 一定係角度拎得太盡~~
6月係維園都book 左好多個時段...雖然朝九晚五都要番workshop 又要搞joint-u camp 同埋hall ocamp, 但係點都要抽時間踢波...
hall ocamp 依家每星期要開兩次會, 不過我同房會同我一齊做oc...應該可以互相照應下~~
今星期開始基本上星期六日都會用左黎pre camp (joint-u camp)
過埋5/7 應該會有多D 空閑時間~~
暑假大計:
旅行, 考車牌, 搵part time ~~
|
| |
| 2月6,7,8日AGM.....依家最後衝刺~~
行社都好多野搞....都幾忙下, 但係每做完一樣野都好有滿足感....所以我都唔介意付出( 其實我都冇咩實務要做, 差唔多所有野都分晒俾人做, 要做既都係coordinate work同埋從宏觀既角度睇晒所有野), 最緊要係可以搵番我想有既team spirit~~我仲要多謝兩個vice , fin sec , hon sec 幫左我好多忙~~
雖然要搞莊務, 但係都要抽時間出黎踢波.......琴晚對我黎講真係踢得好爽, 加上中堅on fire ....我有好多機會走上去攻(雖然魚春基基叫左我n 次唔好上= =), 而唔駛成日留係後面防守....
hall 方面.....依家又轉左同另一個鬼佬(markus)住....依家英文進步神速....最搞野既係佢第一晚住hall已經問我跟唔跟佢去bar party= =心諗死喇, 佢仲唔係晚晚蒲吧....
點知同佢住左一排.....發覺佢都唔係成日落bar...落bar都係飲一兩杯.....同埋佢係果D 早睡早起果種人....即係12點前訓7點起身果種...同我之前果個同房好唔同(朝早4,5點先蒲完吧番halll )
|
| |
| 住左hall 兩星期左右....感覺到大學生活充實一萬倍... 冇咁hea... hall life -->夜晚練跑, 打波, 跳hip hop, 打winning , 吹水, 睇facebk etc .... 我發覺在hall讀書ge efficiency 仲高過屋企== 依家同exchange student (from US)一間房, 英文肯定可以進步神速....講真, 可以同exchange student share 房在hku hall 真係極之少數, 所以都可以話係好好彩....而其他樓友都好nice + 讀書勁又醒又成日一齊食飯玩.... 下星期六同大學識既3個frd 四人一組玩毅行, 由港島大浪灣經大潭番hku...挑戰50km.... 黎緊諗住上街莊 + 同樓友一齊報馬拉松..... |
| |
| 去行社 ocamp ....@東龍島....勁多engine 人 ....估唔到行社都有好多女仔.. 熱到差唔多有100度 + 曬傷左... 有campfire 玩.....yeah!!! 之前d ocamp 冇campfire, 真係o 晒嘴... 雖然起左個A字營, 足夠俾6條友訓....但係裡面實在太熱喇...除左一兩個, 我同其他「組mate」都訓草地 睇星吹水.... 為左睇日出, 訓左一個鐘...結果去完camp 死左係張床度.... i want the photos back!!! |
| |
